На Антарктикот се отцепи санта мраз поголема од Лондон

Санта мраз, поголема од Лондон, се отцепи од Антарктикот, на дваесетина километри од британската истражувачка опсерваторија на јужниот пол.

Вкупната површина на сантата е 1.270 квадратни километри, а нејзината дебелина е 150 метри.

„Времето ќе покаже дали ова одвојување на ледениот брег во наредните денови или недели ќе предизвика дополнително расцепување на ледениот слој“, рече Адријан Лакман, професор по геологија на универзитетот Свонси, пренесува „Гардијан“.